وزیراعظم اور اتحادیوں کی ملاقات میں بڑا فیصلہ

ذرائع کا کہنا ہے کہ  وزیر اعظم عمران خان اور اتحادیوں کی ملاقات میں بڑا فیصلہ کرلیا گیا۔ سوموار کو   پارلیمنٹ  کے مشترکہ اجلاس بلانے کا فیصلہ کیا گیا ہے،پارلیمنٹ کے مشترکہ اجلاس میں انتخابی اصلاحات کو منظور کروایا جائے گا، مشترکہ اجلاس میں الیکٹرانک ووٹنگ مشین کے استعمال سے متعلق بل منظور کروایا جائے گا۔

قبل ازیں  وزیر اعظم عمران خان کی زیر صدارت کابینہ کا اجلاس ہوا تھا۔ ذرائع کے مطابق   وزیراعظم نے کالعدم جماعت کے معاملے پر ارکان کو بات چیت کرنے سے منع کر دیا۔وزیر اعظم عمران خان نے کہا کہ  حساس معاملہ ہے، سٹیرنگ کمیٹی بنا دی ہے، سٹیرنگ کمیٹی ہی تمام معاملہ دیکھے گی، معاملات خوش اسلوبی سے حل ہو رہے ہیں۔

ذرائع کا کہنا تھا کہ وزیراعظم نے الیکشن کمیشن کے معاملے پر وفاقی وزرا کو اہم ہدایات دیں، فواد چوہدری اور اعظم سواتی کے ہمراہ وزرا الیکشن کمیشن جائیں ، وزیراعظم نے تمام وزرا کو یک زبان ہونے کی ہدایت بھی کی۔

دوسری جانب  وزیراعظم عمران خان نے قانونی ٹیم کا اہم اجلاس بلا لیا۔ذرائع کا کہنا ہے کہ  وزیر قانون اور قانونی ٹیم سے کالعدم جماعت سے متعلق مشاورت کی جائے گی،  کالعدم جماعت کے مطالبات پر قانونی ٹیم سے رائے لی جائے گی،  مطالبات پر قانونی ٹیم قانونی رائے سے آگاہ کرے گی۔