وزیر اعظم کا قوم سے خطاب کریں گے، ذرائع

ذرائع کے مطابق  وزیراعظم عمران خان کل عوام سے خطاب کریں گے،  وزیراعظم ملکی معاشی اور کالعدم جماعت کے معاملے پر اعتماد میں لیں گے۔

ذرائع کا کہنا ہے کہ  وزیراعظم عمران خان کی جانب سے مہنگائی سے ریلیف بارے پیکیج کا اعلان بھی متوقع ہے۔

چند روز قبل  وزیر اعظم عمران خان نے  قوم سے خطاب کرنا تھا جسے ملتوی کردیا گیا تھا۔

خیال رہے کہ 31 اکتوبر کو حکومت اور کالعدم ٹی ایل پی میں معاہدہ طے پا گیا تھا۔ مفتی منیب الرحمان کا کہنا تھا کہ  حکومت پاکستان اور کالعدم تحریک لبیک پاکستان اعتماد باہمی سے معاہدہ طے  پایا گیا ہے،  کالعدم  تحریک لبیک پاکستان کے دھرنے سے ملک میں جو صورتحال پیدا ہوئی وزیراعظم نے کمیٹی تشکیل دی۔  اس معاہدے کے نتیجے میں ایک سٹیرنگ کمیٹی بنائی گئی ہے جس کے سربراہ علی محمد خان ہیں،  اس معاہدے کے اثرات جلد سب کے سامنے آجائیں گے۔