ٹی20 ورلڈکپ: جنوبی افریقہ نے بنگلہ دیش کو شکست دے دی

تفصیلات کے مطابق جنوبی افریقہ نے 85 رنز کے ہدف کا تعاقب کرتے ہوئے 13 اعشاریہ 3 اوورز میں 4 وکٹوں کے نقصان پر حاصل کر لیا ہے۔

پروٹیز کی جانب سے وینڈرڈیوسن 22، ڈی کاک 16، ریزا ہینڈرکس 4 رنز بنا کرآؤٹ ہوئے جب کہ تسکین احمد نے دو، مہدی حسن اور ناسوم احمد نے ایک ایک کھلاڑی کو آؤٹ کیا۔

ابوظبی میں کھیلے گئے سپر12 راؤنڈ کے میچ میں جنوبی افریقہ نے ٹاس جیت کر پہلے بنگلہ دیش کو بیٹنگ کی دعوت دی تھی۔

بنگلہ دیشی اوپنرز محمد نعیم اور لٹن داس نے ٹیم کو 22 رنز کا آغاز فراہم کیا لیکن اس مرحلے پر کگیسو ربادا نے نعیم کے ساتھ ساتھ نئے بلے باز سومیا سرکار کی اننگز کا بھی خاتمہ کردیا۔

کپتان محموداللہ ریاض بھی ٹیم کے کام نہ آ سکے اور اینرچ نوکیا نے انہیں آؤٹ کردیا جبکہ ڈیوین پریٹوریس نے عفیف حسین کو کھاتا کھولنے کا بھی موقع فراہم نہ کیا۔

لٹن داس نے مزاحمت کا سلسلہ جاری رکھا لیکن 24 رنز بنانے کے بعد ان کی ہمت بھی جواب دے گئی اور تبریز شمسی نے انہیں آؤٹ کرنے کے بعد 11 رنز بنانے والے شمیم حسین کی اننگز کا بھی اختتام کردیا۔

تسکین بھی تین رنز سے زیادہ نہ بنا سکے اور رن آؤٹ ہو کر پویلین لوٹنے والے آٹھویں بلے باز بن گئے۔

ابھی84 تک پہنچا تو اننگز کے 19ویں اوور میں اینرچ نوکیا نے لگاتار دو گیندوں پر 27 رنز بنانے والے مہدی حسن اور نُسم احمد کو چلتا کر کے بنگلہ دیشی اننگز کا خاتمہ کردیا۔

بنگلہ دیش کی ٹیم 84 رنز پر ڈھیر ہو گئی، جنوبی افریقہ کی جانب سے ربادا اور نوکیا نے تین، تین جبکہ تبریز شمسی نے ایک وکٹ لی۔