ورلڈ ٹی ٹوئنٹی: پاکستان سیمی فائنل میں پہنچ گیا

تفصیلات کے مطابق ابوظبی میں کھیلے گئے میچ میں پاکستان کے کپتان بابر اعظم نے ٹاس جیت کر نمیبیا کے خلاف پہلے بیٹنگ کرنے کا فیصلہ کیا جبکہ قومی ٹیم نے چوتھے میچ میں بھی کوئی تبدیلی نہیں کی۔

پاکستان نے مقررہ 20 اوورز میں کپتان بابر اعظم اور  محمد رضوان کی شاندار بیٹنگ کی بدولت 2 وکٹوں پر 189رنز بنائے ۔

 محمد رضوان ناقابل شکست 79 اور  بابر اعظم 70 رنز بناکر نمایاں رہے۔بابر کے آؤٹ ہونے کے بعد فخر زمان کو بھیجا گیا تاہم ان کا سفر 5 گیندوں تک محدود رہا۔

فخر آؤٹ ہوئے تو محمد حفیظ وکٹ پر آئے اور انہوں نے 200 کے اسٹرائیک ریٹ سے  32 رنز کی اننگزکھیلی ہے۔

ہدف کا تعاقب کرتے ہوئےنمیبیا کی ٹیم مقرراوورز میں 5 وکٹوں کے نقصان پر 144 رنز بنی سکی ہے۔