شہبازشریف سے پی ڈی ایم رہنما شاہ اویس نورانی کی وفد کے ہمراہ ملاقات

تفصیلات کے مطابق اپوزیشن لیڈر شہباز شریف  سے پاکستان ڈیموکریٹک موومنٹ ( پی ڈی ایم)  کے رہنما شاہ اویس نورانی کی وفد کے ہمراہ ملاقات  ہوئی ہے، ملاقات شہباز شریف کی رہائش گا ہ پر ہوئی  ۔

اس موقو پر اپوزیشن لیڈر شہباز شریف نے کہا کہ  قوم کو پی ڈی ایم سے بہت توقعات وابستہ ہیں،  عوام مہنگائی سے پس چکی ، پی ڈی ایم عوام کے حق کی آواز پوری قوت سے سامنے لائے گی،  مولانا فضل الرحمن کی قیادت میں پی ڈی ایم تاریخی کردار ادا کرے گی۔

 شہبازشریف  کا کہنا تھا کہ  عوام کی مہنگائی سے بس ہوچکی ہے جبکہ حکومت اپنی نااہلی اور کرپشن کے ہاتھوں بے بس ہے۔

اپوزیشن لیڈر قومی اسمبلی شہبازشریف نے شاہ اویس نورانی کی پی ڈی ایم کے پلیٹ فارم سے کاوشوں کو سراہا۔  شہباز شریف نے پی ڈی ایم کراچی جلسے کے موقع پرمہمان نوازی پر شاہ اویس نورانی کا شکریہ ادا کیا۔