لاہور سے دبئی،استبول اور لندن کے کرایوں میں تین گناہ اضافہ کردیا گیا

ذرائع کے مطابق  لاہور سے دبئی، شارجہ، دوحہ، استنبول، لندن کے کرایوں میں دو سے تین گناہ اضافہ کردیا گیا ہے۔ پی آئی اے اور   نجی  ائیر لائن کی لاہور سے یو ای اے جانے کے لیے 15 نومبر تک کی ٹکٹیں فروخت ہو گئیں

ٹریول ایجنٹس کا کہنا ہے کہ  دبئی ایکسپو، ورلڈ ٹی 20 کپ کے باعث متحدہ عرب امارات کے لیے مسافروں کی تعداد میں اضافہ ہو گیا۔  لاہور سے دبئی یک طرفہ کرایہ 45 ہزار سے بڑھ کر 1 لاکھ 15 ہزار  ہے، لاہور سے سعودی عرب کا یک طرفہ کرایہ 60 ہزار سے بڑھ کر ڈیڑھ لاکھ روپے تجاوز کر گیا ۔

 ٹریول ایجنٹس کے مطابق لاہور سے لندن کا کرایہ جو  پہلے ایک لاکھ سے ڈیڑھ لاکھ تک تھا،  اب تین سے ساڑھے تین لاکھ تک ہے، پی آئی اے کا لاہور سے دبئی، ابو ظہبی کا کرایہ 50ہزار سے بڑھ کر 96 ہزار روپے ہو گیا۔