بھارتی ائیرلائن کو پاکستانی فضائی حدود استعمال کرنے سے روک دیا گیا

تفصیلات کے مطابق سول ایوی ایشن اتھارٹی کا بڑا فیصلہ،   بھارتی ائیرلاین کو پاکستانی فضائی حدود استعمال کرنے سے روک دیا  ۔

ذرائع کے مطابق   سی اے اے نے بھارتی ایرلاین "گو فرسٹ" کو سری نگر سے شارجہ کی  پروازوں کے لیے پاکستان کی فضائی حدود استعمال کرنے سے روک دیا ہے،  حکومتی احکامات پر اجازت نامہ منسوخ کردیا۔ سی اے اے کے شعبہ ایئر ٹرانسپورٹ کے حکام نے فضائی حدود کی اجازت منسوخ کرنے کی تصدیق کردی۔

خیال رہے کہ  سی اے اے پاکستان نے گزشتہ روز سری نگر سے شارجہ کی پروازوں کے لیے بھارتی ایرلائن کو فضائی حدود استعمال کرنے کی اجازت دی تھی۔