وفاقی کابینہ نےکالعدم ٹی ایل پی سے پابندی ہٹانے کی منظوری دے دی

ذرائع کے مطابق وزارت داخلہ کالعدم تحریک لبیک سے پابندی ہٹانےکا نوٹیفیکیشن  جاری کر دیا ہے۔

خیال رہے کہ پنجاب حکومت نے وفاقی کا بینہ کو کالعدم تنظیم سے پابندی ہٹانے کی سمری بھیجی تھی  جس میں کہا گیا تھا کہ تنظیم نے آئندہ پُرتشدد نہ ہونے کی یقین دہانی کرائی ہے۔

سمری کے مطابق ٹی ایل پی مستقبل میں آئین پاکستان اور ملک کے قوانین کا احترام کرے گی۔

سمری میں کہا گیا ہے کہ حکومت پنجاب نے تنظیم سے پابندی ہٹانے کا فیصلہ تنظیم کی یقین دہانی اور وسیع قومی مفاد میں کیا ہے۔