ٹی ایل پی کا وزیر آباد میں جاری دھرنا ختم کرنے کا اعلان

تفصیلات کے مطا بق  تحریک لبیک   پاکستان نے  وزیر آباد میں جاری دھرنے کو باقاعدہ ختم کرنے کا اعلان   کردیا۔  تمام کارکنان کچھ دیر میں وزیر آباد سے واپس لاہور جامع مسجد رحمۃ اللعالمین کی طرف سفر کا آغاز کریں گئے۔

تحریک لبیک کی جانب سے جاری کردہ بیان میں کہا گیا  تھا  کہ معاہدے کے عین مطابق جیسے  مفتی منیب الرحمان نے گارنٹی دی ہم اب مسجد رحمتہ اللعالمین جائیں گے ، تحریک لبیک اپنے معاہدے پر قائم ہے اب عرس علامہ خادم حسین رضوی  کی تیاری کی جائے گی ، عرس  19 تا 21 نومبر مرکز مسجد رحمتہ اللعالمین پر ہو گا۔انکا  کہنا تھا کہ  عرس علامہ حافظ خادم حسین رضوی پر علامہ سعد حسین رضوی ہمارے ساتھ ہونگے ، تحریک سے کالعدم ہٹ چکا ہے۔

گزشتہ روز وزارت داخل نے کالعدم تحریک لبیک سے پابندی ہٹانےکا نوٹیفیکیشن  جاری کیا تھا۔

خیال رہے کہ پنجاب حکومت نے وفاقی کا بینہ کو کالعدم تنظیم سے پابندی ہٹانے کی سمری بھیجی تھی  جس میں کہا گیا تھا کہ تنظیم نے آئندہ پُرتشدد نہ ہونے کی یقین دہانی کرائی ہے۔سمری کے مطابق ٹی ایل پی مستقبل میں آئین پاکستان اور ملک کے قوانین کا احترام کرے گی۔

سمری میں کہا گیا ہے کہ حکومت پنجاب نے تنظیم سے پابندی ہٹانے کا فیصلہ تنظیم کی یقین دہانی اور وسیع قومی مفاد میں کیا ہے۔