وزیر اعظم سے او آئی سی کے نمائندہ خصوصی کی وفد کے ہمراہ ملاقات

تفصیلات کے مطابق وزیراعظم عمران خان سے او آئی سی کے نمائندہ خصوصی کی وفد کےہمراہ ملاقات ہوئی، وزیراعظم  نے اقوام متحدہ کی قراردادوں کے مطابق مسئلہ کشمیرکے حل کا موقف دہرایا۔

وزیر اعظم عمران خان نے کہا کہ  مقبوضہ کشمیر اور فلسطین سمیت دیرینہ عالمی تنازعات کا پرامن حل ضروری ہے،  مسلم  امہ  اسلاموفوبیا  کے چیلنج سے نمٹنے   کیلئے اپنی صفوں میں اتحاد پیدا کرے،  مسلم  امہ  اسلاموفوبیا  سمیت انتہا پسندانہ نظریات کے چیلنج سے نمٹنے   کیلئے  متحد ہوں۔  وزیراعظم  نے مقبوضہ کشمیر کے لوگوں کی انسانی بنیادوں پر مدد کی فراہمی پر بھی زوردیا۔

وزیر اعظم کا کہنا تھا کہ  کشمیری عوام کی امنگوں کے مطابق مسئلہ کشمیر کا حل خطے کے امن کے لیے ضروری ہے،  عالمی نمائندے مقبوضہ کشمیر میں انسانی حقوق کی خلاف ورزیوں پر آزادانہ تحقیقات رپورٹ کریں۔