برطانیہ نے فلسطینی گروپ حماس پر پابندی عائد کردی

غیرملکی خبر رساں ادارے کے مطابق پریتی پٹیل نے ایک بیان میں دعویٰ کیا کہ "حماس کے پاس دہشت گردی کی نمایاں صلاحیت ہے، جس میں وسیع اور جدید ترین ہتھیاروں تک رسائی کے ساتھ ساتھ دہشت گردی کی تربیت کی سہولیات بھی شامل ہیں۔" "یہی وجہ ہے کہ آج میں نے حماس کو مکمل طور پر کالعدم قرار دینے کا کام کیا ہے۔"

وزارت داخلہ نے تصدیق کی کہ تنظیم پر دہشت گردی ایکٹ کے تحت پابندی عائد کی جائے گی اور جو بھی حماس کی حمایت کا اظہار کرے گا، اس کا جھنڈا لہرائے گا یا تنظیم کے لیے میٹنگز کا اہتمام کرے گا وہ قانون کی خلاف ورزی ہو گا۔ 

ادھر لبنان کی حزب اللہ تحریک نے فلسطینی عسکریت پسند گروپ حماس کو دہشت گرد تنظیم قرار دینے کے برطانیہ کے فیصلے کی مذمت کی ہے۔

خیال رہے کہ 1987 میں قائم ہونے والی تنظیم حماس نے اسرائیل کے وجود کی انکاری اور امن مذاکرات کی مخالفت کرتی ہے اور فلسطینی علاقوں پر اسرائیل کے قبضے کے خلاف مسلح مزاحمت کی حامی ہے۔