وزیراعلیٰ بلوچستان میر عبدالقدوس بزنجو کا عوام دوست اقدام

تفصیلات کے مطابق  وزیراعلیٰ بلوچستان میر عبدالقدوس بزنجو کا عوام دوست اقدام، وزیراعلیٰ سیکریٹریٹ کے دروازے عام لوگوں کیلئے کھلے رہے ۔ وزیراعلیٰ کولوگو ں نے اپنےاجتماعی مسائل سے متعلق درخواستیں پیش کیں ۔ وزیراعلیٰ کی جانب سے درخواستوں پرموقع پرہی احکامات جاری کیے گئے۔

وزیر اعلی بلوچستان عبدالقدوس بزنجو کا کہنا ہے کہ  وزیراعلیٰ کا دفترعوامی مسائل کے حل کیلئے ہے، خود کوعوامی نمائیندہ سمجھتا ہوں آواران سمیت پورابلوچستان انکاحلقہ ہے۔

وزیراعلیٰ بلوچستان نے کہا کہ  صوبے کے عوام کی دعاؤں سے آج اس مقام تک پہنچا ہوں، گورنس کو بہتر بنا کر عوام کو درپیش مسائل حل کرینگے، صوبائی وزراء کے دروازے بھی عوام کے لیۓ کھلے ہیں،  ہم سب کامقصد صوبے کی ترقی اورعوام کی خوشحالی ہے،  لوگوں اور خود کے درمیان کوئی رکاؤٹ قبول نہیں ہے۔