سینیٹ انتخابات کے لیے گنتی کا عمل جاری، 7 ووٹ مسترد ہونے کا امکان

تفصیلات کے مطابق قومی اسمبلی میں سینیٹ انتخابات کی نشتوں کیلئے   ووٹوں کی گنتی جاری ہے، دو ٹوکریوں میں امیدواروں کے ووٹوں کو علیحدہ علیحدہ رکھا جا رہا۔ 7 ووٹوں کو ٹوکری سے باہر رکھ دیا گیا۔ ٹوکری سے باہر رکھے ووٹوں کے مسترد ہونے کا امکان ہے۔

  پارلیمنٹ ہاؤس اسلام آ باد ،  سندھ،  بلوچستان اور خیبرپختونخوا کی اسمبلیوں میں پولنگ صبح نو بجے شروع ہوئی  اور بغیر کسی وقفے کے شام پانچ بجے تک جاری رہی۔سینیٹ  انتخابات میں 37 خالی نشستوں پر انتخابات ہو رہے ہیں۔

سینیٹ انتخابات کا سب سے بڑا معرکہ وفاقی دارالحکومت اسلام آباد کی جنرل نشست پر ہورہا ہے جہاں سابق وزیر اعظم یوسف رضا گیلانی اور وزیر خزانہ عبد الحفیظ شیخ ایک دوسرے کے مدمقابل ہیں۔ حکومتی اتحاد کے پاس 181 جب کہ اپوزیشن نشستوں پر موجود جماعتوں کے پاس 160 نشستیں ہیں  ۔سینیٹ الیکشن میں اسلام آباد کی ایک جنرل اورایک خاتون کی نشست پرمقابلہ ہورہا ہے۔