دوسرا ٹی ٹوئنٹی: پاکستان نے ویسٹ انڈیزکو شکست دے دی

تفصیلات کے مطابق ہدف کے تعاقب میں ویسٹ انڈیزکی پوری ٹیم 163 رنز بناسکی۔

دوسرے ٹی ٹوئنٹی میچ میں پاکستان نےویسٹ انڈیز کوشکست دے کرتین ٹی ٹوئنٹی میچز کی سیریز میں  0-2 کی ناقابل شکست برتری حاصل کرلی ہے۔

دوسرے ٹی ٹوئنٹی میں پاکستان نے ویسٹ انڈیز کیخلاف ٹاس جیت کر پہلے بیٹنگ کا فیصلہ کیا۔

پاکستان نے مقررہ 20 اوورز میں8 وکٹوں کے نقصان پر  172رنز بنائے، پاکستان کی جانب سےمحمد رضوان 38 اور افتخار احمد 32 رنز بناکر نمایاں رہے۔

پاکستان ٹیم کا آغاز دوسرے میچ میں بھی اچھا نہ رہا اور کپتان بابر  اعظم7 رنز بنا کر رن آؤٹ ہوگئے۔

پاکستان کی دوسری وکٹ 38 رنز پرگری جب فخر زمان 10 رنز بناکر پویلین لوٹ گئے۔

محمد رضوان اور حیدر علی نے ٹیم کا اسکور 86 رنز تک پہنچایا  تو رضوان 38 رنز بناکرکیچ آؤٹ ہوگئے جبکہ حیدر علی بھی 31 رنز بناکر پویلین لوٹ گئے۔

پاکستان کی پانچویں وکٹ 111 رنز پرگری جب محمد نواز صرف ایک رن بناکر آؤٹ ہوگئے  جبکہ آصف علی بھی کوئی خاطر خواہ اسکور نہ بناسکے اور 9 رنز بناکر پویلین لوٹ گئے۔

ویسٹ انڈیز کی جانب سے برینڈن کنگ نے 67 رنز کی شاندار اننگز کھیلی مگر وہ بھی اپنی ٹیم کو کامیابی حاصل نہ کرواسکے۔

اس کے علاوہ روماریو شیفرڈ 35 اور کپتان پورن 26 رنز بناسکے۔

پاکستان کی جانب سے شاہین آفریدی نے 3 جبکہ حارث رؤف ، محمد نواز اور محمد وسیم نے 2،2 کھلاڑیوں کو آؤٹ کیا۔