پی ایس ایل میں مزید 3 کھلاڑی کورونا وائرس کا شکار

پاکستان کرکٹ بورڈ نے کی جانب سے جاری بیان کے مطابق پی ایس ایل کی دو ٹیموں کے مزید تین کھلاڑیوں کی کورونا ٹیسٹ رپورٹ مثبت آئی ہے ، جس کے بعد انہیں 10 دن کے لئے قرنطینہ کیا گیا ہے  ۔ پی سی بی کے مطابق تینوں کھلاڑی بدھ کے روز ہونے والے دو میچوں سے قبل ہی علامات ظاہر ہونے کے بعد علیحدہ ہو چکے تھے ۔ حکام مطابق پی ایس ایل کمیٹی آج ٹیم مالکان اور انتظامیہ کے ساتھ میٹنگ کرے گی ، جس کے بعد مزید فیصلے کیے جائیں گے ۔ 

اس سے قبل تین کھلاڑیوں اور ایک آفیشل میں کورونا کی تصدیق ہوئی تھی، جس میں اسلام آباد یونائیٹڈ کے فواد احمد اور لوئس گریگری ، کوئٹہ گلیڈی ایٹرز کے ٹام بینٹن کا کورونا ٹیسٹ مثبت آیا تھا ۔جبکہ کراچی کنگز کے فیلڈنگ کوچ کامران خان بھی کورونا وائرس میں مبتلا ہوگئے تھے ، تینوں کھلاڑیوں اور فیلڈنگ کوچ کامران خان کو دس دن کے لیے فوری طور پر قرنطینہ کردیا گیا تھا ۔