پی ایس ایل کھلاڑیوں اور آفیشلز کو ویکسین لگانے کی تیاری

تفصیلات کے مطابق پی ایس ایل پر کورونا کے حملے کے بعد پاکستان کرکٹ بورڈ نے بڑا اقدام اٹھا لیا۔ ایونٹ کو کورونا کا شکار ہونے سے بچانے کے لیے آج کھلاڑیوں اور آفیشلز کو ویکسین لگائی جائے گی۔ ذرائع کے مطابق ویکسینیشن کا عمل کراچی کے مقامی ہوٹل میں مکمل کیا جائے گا ، جبکہ ویکسینیشن لگوانے کا اختیارکھلاڑیوں اور آفیشلز کو دیا گیا ہے۔ 

واضح رہے کہ اب تک پاکستان سپر لیگ ( پی ایس ایل) میں اب تک 6 کھلاڑیوں اور ایک کوچ میں کورونا وائرس کی تصدیق ہو چکی ہے اور انہیں قرنطینہ بھی کیا جا چکا ہے۔ کورونا کا شکار 3 کھلاڑیوں کے نام سامنے آچکے ہیں جن میں اسلام آباد یونائیٹڈ کے فواد احمد اور لوئس گریگری ، جبکہ کوئٹہ گلیڈی ایٹرز کے ٹام بینٹن شامل ہیں۔ جبکہ کراچی کنگز کے فیلڈنگ کوچ کامران خان بھی کورونا وائرس میں مبتلا ہوگئے ہیں۔ اس کے علاوہ باقی تین کھلاڑیوں کی تفصیلات تاحال سامنے نہ آسکیں۔