عمران خان نے خط میں دوران حراست فواد چوہدری کے آئینی حقوق کے تحفظ کی اپیل کی اور اعظم سواتی اور شہباز گل پرتشدد اور غیرانسانی سلوک کا حوالہ دیا۔

خط میں چیف جسٹس آف پاکستان سے آئین کے کسٹوڈین کے طور پر زیر حراست افراد کے عزت اور وقار کے تحفظ کی اپیل کی گئی ہے۔

خط میں کہا گیا ہے کہ زیر حراست افراد پر تشدد یا وقار کے خلاف اقدامات آئین کی خلاف ورزی ہے۔

خیال رہے کہ اسلام آباد کے مقامی جوڈیشل مجسٹریٹ نے پاکستان تحریک انصاف کے رہنما فواد چوہدری کا 2 دن کا جسمانی ریمانڈ منظور کرلیا۔

پنجاب کے مخلتف شہروں میں پیٹرولیم مصنوعات کی قلت ہوگئی، گوجرانوالہ میں صرف 20 فیصد پیٹرول پمپس پر  پیٹرولیم مصنوعات دستیاب ہیں۔

اس کے علاوہ رحیم یار خان میں بھی پیٹرول پمس پر  پیٹرولیم منصوعات کی سپلائی بند ہے۔ بہاولپور میں چند کھلے  پیٹرول پمپس پرگاڑیوں کی لمبی قطاریں لگ گئی ہیں۔

ادھر سیالکوٹ میں بھی بیشتر  پیٹرول پمس بند ہیں جبکہ کھلے پیٹرول پمپس پرشہریوں کا بے پناہ رش ہے۔

فیصل آباد میں بھی پیٹرول پمس پر موٹر سائیکل سواروں کا رش ہے۔

پیٹرول پمپ مالکان کا کہنا ہے کہ پیٹرولیم مصنوعات کم آرہی ہیں جس کی وجہ سے سپلائی متاثر ہے۔

اس معاملے پر متعلقہ حکام کا ردعمل فی الحال سامنے نہیں آیا ہے۔

تفصیلات کے مطابق پاکستان تحریک انصاف (پی ٹی آئی) نے اسلام آباد ہائیکورٹ سے رجوع کرنے کیلئے پٹیشن تیار کر لی جو آج یا پیر کو دائر کئے جانے کا امکان ہے جس کے ساتھ سپیکر کی جانب سے پی ٹی آئی رہنماءشاہ محمود قریشی کو لکھا گیا خط بھی نتھی کیا جائے گا۔ 

سپیکر نے خط میں کہا کہ مستعفی ارکان کو ہر صورت بلا کر استعفوں کی تصدیق کی جائے گی، استعفوں کی تصدیق کے بغیر کسی کے بھی استعفے منظور نہیں کئے جائیں گے۔

واضح رہے کہ گزشتہ دنوں سپیکر قومی اسمبلی راجہ پرویز اشرف نے پاکستان تحریک انصاف کے 43 ارکان قومی اسمبلی کے استعفے منظور کئے تھے۔

مذکورہ 43 استعفوں کی منظوری کے بعد مجموعی طور پر پاکستان تحریک انصاف کے 122اور شیخ رشید کا ایک استعفیٰ ملا کر 123اراکین کے استعفے منظور ہو چکے ہیں۔