اجلاس سے قبل ہی دنیا میں ہماری آواز پہنچ گئی:شاہ محمود قریشی

تفصیلات کے مطابق میڈیا سے گفتگو کرتے ہوئے وزیر خارجہ شاہ محمود قریشی کا کہنا تھا کہ افغانستان نازک صورتحال سے دوچار ہے اور اگر دنیا نے توجہ نہ دی توافغانستان میں انسانی بحران شدت اختیار کر سکتا ہے۔

ان کا کہنا تھا کہ دنیا کے مفاد میں ہے کہ افغانستان کی صورتحال نہ بگڑے کیونکہ اگر مہاجرین کا بحران پیدا ہوا تو وہ پاکستان اور ایران تک محدود نہیں رہے گا،مہاجرین روزگار کے لیے یورپ کے دروازوں پر بھی دستک دیں گے۔

وزیر خارجہ کا کہنا تھا کہ اس وقت افغانستان میں خوراک اور ادویات کی ضرورت ہے جبکہ افغانستان میں تنخواہوں کے لیے رقم کی بھی ضرورت ہے۔

شاہ محمود قریشی کا مزید کہنا تھا کہ افغانستان کے معاشی حالات عالمی برادری کی توجہ کے طالب ہیں۔ ہم امریکہ، یورپی یونین و دیگر کو افغانستان کی صورتحال کا احساس دلانے میں کامیاب ہوئے۔