افغانستان کابحران بہت بڑا ہے:نمائندہ یواین سیکرٹری جنرل

تفصیلات کے مطابق اسلامی تعاون کی تنظیم (او آئی سی) کے افغانستان کی صورت حال پر غیر معمولی اجلاس سے خطاب کرتے ہوئےنمائندہ یواین سیکرٹری جنرل کا کہنا تھا کہ،افغانستان میں 70فیصداساتذہ تنخواہوں سے محروم ہیں۔

نمائندہ یواین سیکرٹری جنرل کا کہنا تھا کہ افغانستان کی معیشت بحران کاشکارہے اورکرنسی کی قدرگرتی جارہی ہے۔

ان کا کہنا تھا کہ پبلک سیکٹرکو تنخواہوں کی ادائیگی کیلئے رقم کی ضرورت ہے، لاکھوں افغان بچے تعلیم سے محروم ہیں۔

یہ غیر معمولی اجلاس پارلیمنٹ ہاؤس کے قومی اسمبلی ہال میں ہو رہا ہے جس کیلئے ہال کو مسلم ممالک کے پرچموں سے سجایا گیا ہے۔

اوآئی سی کی وزرائے خارجہ کونسل اجلاس میں 70 وفود شریک ہیں، جس میں مختلف اسلامی ممالک کے  وزرائے خارجہ اور  نائب وزرا شریک ہیں اس کے علاوہ غیر رکن ممالک اور عالمی تنظیموں کے نمائندوں بھی شریک ہیں۔

افغانستان کے قائم مقام وزیر خارجہ امیر خان متقی بھی اجلاس میں شریک ہیں، اس کے علاوہ سعودی عرب، ترکی، ایران ،ملائشیا، انڈونیشیا، بوسنیا، آذربائیجان، بنگلا دیش، قازقستان، ترکمانستان کےوزرائے خارجہ سمیت فلسطین،اردن،صومالیہ،گمبیا، سیرالیونی اورگبون کےوزرائےخارجہ بھی شریک ہیں۔

اس کے علاوہ امریکی نمائندۂ خصوصی برائے افغانستان تھامس ویسٹ کے ساتھ ساتھ اقوامِ متحدہ سلامتی کونسل کے پانچوں مستقل ملک چین، امریکا،برطانیہ، روس اورفرانس کے نمائندے بھی اجلاس میں شریک ہیں۔