پولارڈنےہیٹ ٹرک کرنے والے باؤلر کو لگاتار 6 چھکے جڑ دیے

تفصیلات کے مطابق سری لنکا اور ویسٹ انڈیز کے درمیان ٹی 20 کا مقابلہ جاری تھا جس میں سری لنکا نے ویسٹ انڈیز کو جیت کے لیے 132 رنز کا ہدف دیا جو کیرون پولارڈ کے دھواں دھار چھکوں کے باعث 6 وکٹوں کے نقصان پر پورا کر لیا گیا۔

اس میچ کی خاص بات یہ ہے کہ جس اوور میں پولارڈ نے اکیلا دھننجیا کو 6 چھکے مارے اس سے پہلے اوور میں دھننجیا نے ہیٹ ٹرک کی تھی۔دھننجیا نے ایک ہی اوور میں ایوائن لیوس، کرس گیل اور نکولس پورن کو تین گیندوں پر آؤٹ کر کے ہیٹ ٹرک مکمل کی تھی۔لیکن پھر اگلا اوور دھننیا کے لیے ڈراؤنا خواب ثابت ہوا اور پولارڈ نے انہیں 6 گیندوں پر 6 چھکے جڑ کر جیت ویسٹ انڈیز کی جھولی میں ڈال دی۔اس میچ میں پولارڈ نے 11 گیندوں پر 38 رنز اسکور کیے اور میچ کے بہترین کھلاڑی قرار پائے۔

Absolute scenes ?@KieronPollard55 becomes the first @windiescricket player to hit six straight sixes in a T20I!#WIvSL pic.twitter.com/nrtmJHGcip

— ICC (@ICC) March 4, 2021

اپنی شاندار اننگز  کے باعث پولارڈ ،  یوراج سنگھ اور ہرشل گبز کے بعد انٹرنیشنل کرکٹ کے ایک اوور میں 6 چھکے مارنے والے تیسرے بلے باز بھی بن گئے۔