ملک بھر کے بیشتر علاقوں میں مطلع ابرآلود رہے گا، محکمہ موسمیات

اسلام آباد: محکمہ موسمیات کا کہنا ہے کہ ملک بھر میں موسم خشک اور سرد رہنے کی امید ہے ۔ جبکہ محکمہ موسمیات کے مطابق اسلام آباد میں موسم سرد اور مطلع جزوی ابر آلود رہنے کا امکان ہے ۔

اسلام آباد میں شام اور رات کے دوران ہلکی بارش بونداباندی ہو سکتی ہے۔  صوبہ پنجاب کے  بیشتر  اضلاع میں مطلع جزوی  ابر آلود اورموسم  سرد رہے گا۔ 

پنجاب کے بعض میدانی علاقوں میں دھند اور اسموگ چھائے رہنےکی توقع ہے ۔

صوبہ کے پی کے بیشتر اضلاع میں موسم  شدید سرد اورخشک رہنے کا امکان ہے،۔ کے پی کے بالائی اضلاع میں مطلع جزوی ابر آلود رہے گا۔  ہری پور،ایبٹ آباد ،مانسہرہ ،دیر، چترال ، کرم، بونیر، شانگلہ اور سوات میں  بارش اور برفباری ہوسکتی ہے۔

صوبہ سندھ کے   بیشتر   اضلاع میں موسم   بدستور خشک   اور سرد رہے گا۔ صبح اور رات کے اوقات میں  سکھر، جیکب آباد، لاڑکانہ ، شہید بینظیر آباد، موہنجو داڑو، ساحلی علاقوںاور گردونواح میں  دھند اور اسموگ چھائے رہنے کا امکان ہے۔ 

صوبہ بلوچستان کے  بیشتر   اضلاع میں موسم خشک ، سرد اور جزوی ابر آلود رہے گا۔  بلوچستان کے شمالی اضلاع میں  شدید سرد رہے گا ۔ 

بلوچستان کے ساحلی علاقوں میں رات  اور صبح کے اوقات میں دھند پڑنے کا امکان ہے۔ کوئٹہ، چمن، پشین اور ژوب  میں  ہلکی بارش اور برفباری ہوسکتی ہے۔

کشمیر اور گلگت بلتستان  میں  مطلع جزوی ابر آلود رہنے کے ساتھ بارش اور برفباری  کا امکان ہے۔