پنجاب میں بلدیاتی انتخابات کی ابھی سے تیاری کرنا ہو گی: وزیراعظم عمران خان

تفصیلات کےمطابق وزیراعظم عمران خان کی زیرصدارت اجلاس میں پارٹی کی اعلیٰ قیادت اور سینئر رہنماﺅں نے مشاورت کی۔ 

اجلاس میں وزیر اعلیٰ پنجاب عثمان بزدار، گورنر پنجاب چودھری سرور، وفاقی و صوبائی وزرا فواد چودھری، شفقت محمود ،شہباز گل ، محمود الرشید اور یاسمین راشد سمیت دیگر نے شرکت کی۔ 

اجلاس میں پارٹی کو مزید پروان چڑھانے کے لئے تجاویز دی گئیں،وزیراعظم نے کہا کہ ہم چاہتے ہیں اختیارات کی منتقلی نچلی سطح پر ہو۔ عوام کے مسائل نچلی سطح پر حل کرنے کےلئے مضبوط بلدیاتی نظام دیا ہے۔

انہوں نے کہا کہ ہمیں پنجاب میں بلدیاتی انتخابات کی ابھی سے تیاری کرنا ہو گی، پارٹی حکومتی اور سیاسی قیادت مشترکہ حکمت عملی اختیار کرے، پنجاب کی اعلیٰ قیادت پرانے رہنماﺅں سے مشاورت سے لائحہ عمل مرتب کرے۔

ان کا مزید کہنا تھا کہ میں نے پرانے ورکرز اور پارٹی رہنماﺅں کی آرا کا ہمیشہ احترام کیا،صحت انصاف کارڈ کی تقسیم کے عمل کو تیز کیا جائے۔