عمران خان نےپاکستان تحریک انصاف کی نئی تنظیم کا اعلان کردیا

فواد چوہدری نے اپنی ٹوئٹ میں کہا کہ پارٹی تنظیموں کی تحلیل کے بعد چیئرمین تحریک انصاف عمران خان نے تحریک انصاف کی نئی تنظیم کا اعلان کردیا ہے۔

وفاقی وزیرکے مطابق چئرمین تحریک انصاف جناب عمران خان نے اسد عمر کو تحریک انصاف کا نیا سیکرٹری جنرل مقرر کیا ہے، عامر محمود کیانی پارٹی کے ایڈیشنل سیکرٹری جنرل ہوں گے۔

وزیر اطلاعات کا کہنا ہے کہ پرویز خٹک خیبر پختونخوا، علی زیدی سندھ، قاسم سوری بلوچستان، شفقت محمود پنجاب اور خسرو بختیار تحریک انصاف جنوبی پنجاب کے صدور ہوں گے۔

پارٹی تنظیموں کی تحلیل کے بعد چیئرمین تحریک انصاف عمران خان نے تحریک انصاف کی نئ تنظیم کا اعلان کیا گیا ہے، اسد عمر تحریک انصاف کے نئے سیکرٹری جنرل ہوں گے، پرویز خٹک خیبر پختونخواہ، علی زیدی سندہ، قاسم سوری بلوچستان، شفقت محمود پنجاب اور خسرو بختیار جنوبی پنجاب کے صدور ہوں گے ۔

— Ch Fawad Hussain (@fawadchaudhry) December 25, 2021

گزشتہ روز وزیر اعظم عمران خان نے پاکستان تحریک انصاف کی تمام تنظیموں کو تحلیل کردیا تھا۔

فواد چوہدری نے گزشتہ روز پریس کانفرنس کے دوران کہا تھا کہ پارٹی کا نیا انتظامی ڈھانچہ تشکیل دیا جائے گا۔ اب پارٹی کی مقامی قیادت کسی رشتے دارکوپارٹی ٹکٹ دینے کا فیصلہ نہیں کرے گی۔

واضح رہے کہ گزشتہ ہفتے خیبر پختونخوا کے 17 اضلاع میں ہونے والے بلدیاتی انتخابات میں تحریک انصاف کو اپ سیٹ شکست ہوئی تھی، وزیر اعظم نے اس شکست کا ذمہ دار غلط امیدواروں کا انتخاب جب کہ دیگر پارٹی رہنماؤں نے مہنگائی کا نتیجہ قرار دیا تھا۔