انڈس ہائی وے پرمسافرکوچ اور کار میں تصادم، 3افراد جاں بحق

حیدرآباد : انڈس  ہائی وے پر مسافر کوچ اورکار کے درمیان تصادم کے نتیجے میں  ایک  ہی خاندان کے 3  افراد جاں بحق، جبکہ ایک  زخمی   ہونے  کی  اطلاعات ہیں ۔

جی این این کے مطابق     انڈس ہائی وے پر مانجھند کے قریب مسافر کوچ نے کار کو ٹکر ماردی، جس کے نتیجے میں  کار الٹ کر کھائی میں جا گری  ۔حادثے  میں تین  افراد موقع پر ہی دم توڑ گئے  جبکہ ایک  شخص زخمی  ہے.  حادثے کے بعد مقامی افراد نے   کار سے لاشوں اور زخمی کو نکال کر  مقامی اسپتال منتقل کردیا۔ جاں بحق  ہونے والوں کی شناخت   24سالہ شیراز تنیو ،   34 سالہ عامر تنیو اور 40 سالہ عبدالرشید جبکہ زخمی عبدالحکیم کے نام سے ہوئی ہے ۔

کار میں سوار  بدقسمت خاندان کراچی سے لاڑکانہ جا رہاتھا۔