وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وزیراعلیٰ پنجاب مریم نوازنے وی آئی پی وزٹ کی وجہ سے امتحانات ملتوی کرنے پر ڈپٹی کمشنر (ڈی سی) جہلم کو ہٹا دیا۔

وزیراعلیٰ پنجاب مریم نواز نے ہدایات کی خلاف ورزی پر سخت برہمی کا اظہار کیا اور کہاکہ ڈی سی جہلم میر رضا نے ہدایات کی واضح خلاف ورزی کی، وزٹ کے دوران عوام بالخصوص طلبہ کو پریشانی نہیں ہونی چاہیے۔

https://t.co/jzNsG72pXe

— Maryam Nawaz Sharif (@MaryamNSharif) November 8, 2026

ڈی سی جہلم میر رضا کو ہٹانے کا نوٹی فکیشن جاری کردیا گیا۔ اس حوالے سے مریم نواز کا مزید کہنا تھاکہ وی آئی پی وزٹ کے دوران مارکیٹ، دکان یا کاروبار بند نہ کیے جائیں، سکیورٹی کے نام پر شہریوں کی آمدورفت پر پابندی نہ لگائی جائے۔