"ملک کی معاشی خود مختاری بیچی جا رہی ہے"خواجہ آصف

تفصیلات کے مطابق مسلم لیگ ن کے رہنما خواجہ آصف نے قومی اسمبلی اجلاس سے خطاب کرتے ہوئے کہا ہےکہ حکومت وہ آرڈیننس بحال کر رہی ہے جو ختم ہوچکے تھے جو آئین کے خلاف ہے۔

ان کا کہنا تھا کہ حکومت سٹیٹ بینک کا کنٹرول آئی ایم ایف کو دے رہی ہے، آپ 1200 یا 100 ارب ٹیکس واپس لےکر استثنیٰ دے کر عوام کے اوپر مہنگائی کا پہاڑ توڑ رہے ہیں۔

انہوں نے کہا ہے کہ پاکستان کو مت بیچیں پاکستان پر رحم کریں، تین سال سے دوائی، گندم اور چینی والوں کو لوٹ مار کی اجازت دی گئی، 22 کروڑ عوام کی آواز اٹھا رہا ہوں میری آواز بند مت کریں، درخواست کرتا ہوں میری آواز بند نہ کریں۔

ان کا مزید کہنا تھا کہ خیبر پختونخواہ عوام آپ کے خلاف فیصلہ سنا چکی ہے، آپ کی رولنگ آئین کی خلاف ورزی ہے، اسپیکر صاحب اس ایوان کے تقدس اور تکریم کا خیال کریں، یہ اسمبلی پاکستان کے معاشی سرنڈر کرنے کے حوالے سے یاد رکھی جائے گی۔