ملک  میں کورونا سے مزید 6 اموات ، 515 کیسز رپورٹ 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران   6 افراد انتقال  کرگئے جبکہ 515 نئے کیسز رپورٹ ہوئے ۔ ملک میں کورونا سے  اموات کی تعداد 28ہزار 927ہوگئی ہے اور مجموعی کیسز 12 لاکھ 95ہزار 376تک جا پہنچے ہیں۔  

این سی اوسی  کے مطابق ملک بھر میں  چوبیس گھنٹے کے دوران  47 ہزار856 ٹیسٹ کئےگئے ہیں ۔ 

ملک میں گزشتہ 24 گھنٹوں کے دوران مزید 406فراد کورونا وائرس سے صحتیاب ہوئے ہیں ۔اب تک  95.9 فیصد مریض کوویڈ سے صحت یاب ہوئے  ، اب تک   مجموعی طور پر 12 لاکھ 56 ہزار 377مریض اب تک اس بیماری سے شفایاب ہو چکے ہیں۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔