طلبا کا نیا تعلیمی سال اور امتحانات کب ہوں گے ؟ شیڈول جاری

تفصیلات کے مطابق رواں سال 2020 میں تعلیمی سرگرمیوں سے متعلق شیڈول جاری کردیا گیا۔ نئے تعلیمی سال کا آغاز یکم اپریل 2022 سے ہوگا، جماعت اول سے ہشتم کے سالانہ امتحانات 10 سے20 مارچ تک ہوں گے جبکہ میٹرک کےسالانہ امتحانات10 مئی سےشروع ہوں گے اور ایف اے،ایف ایس سی کے  امتحانات18 جون سےشروع ہوں گے۔

سکول ایجوکیشن ڈیپارٹمنٹ کے مطابق رواں سال شارٹ سلیبس کی بجائے مکمل سلیبس میں سے امتحان لیا جائے گا۔

دوسری جانب پنجاب یونیورسٹی نے 2022 کے امتحانات کے شیڈول کا نوٹیفیکشن جاری کر دیا۔

تفصیلات کے مطابق پنجاب یونیورسٹی نے رواں سال ہونے والے امتحانات کا شیڈول جاری کردیا ہے۔ ایسوسی ایٹ ڈگری آرٹس اینڈ سائنس کے پارٹ 1 اور 2 کے امتحانات جولائی میں ہونگے۔ سائنس اور آرٹس میں ایسوسی ایٹ کے لئے سیپشل کیٹیگری کے امتحانات بھی جولائی میں ہونگے۔

اسی طرح ایم اے ، ایم ایس سی پارٹ 1 اور 2 کے امتحانات سمیت ایل ایل بی پانچ اور تین سالہ پروگرام کے مختلف پارٹ کے امتحانات بھی اگست میں ہونگے۔ ایسوسی ایٹ ڈگری کامرس کے مختلف پارٹ کے امتحانات بھی اگست میں ہونگے۔