سال 2021 کے آخری ماہ میں مہنگائی 12.28 فیصد ریکارڈ

تفصیلات کے مطابق ادارہ شماریات نے دسمبر میں مہنگائی کے اعدادوشمار جاری کردیے ہیں، سال 2021 کے آخری ماہ میں مہنگائی 12.28 فیصد ریکارڈ کی گئی۔

ادارہ شماریات کے مطابق  ایک ماہ میں دال مسور 8.64، دال ماش 6.58خوردنی تیل 6فیصد مہنگی ہوئی، دال چنا 5.27، پھل 4.81، چنے 4.71اور دودھ 2.83فیصد مہنگا ہوا، جولائی تا دسمبر کے دوران مہنگائی کی شرح 9.81ریکارڈ کی گئی۔

دستاویز کے مطابق  سالانہ بنیادوں پر مسٹرڈ آئل 60.77اور خوردنی تیل 59.33فیصد مہنگا ہوا، ویجی ٹیبل گھی 56.33، دال مسور 33.56، پھل30فیصد مہنگاہوا، بجلی کی قیمت 59.38اور موٹر فیول 39.68فیصد مہنگا ہوا، گوشت 20.4، چنے20.13، آٹا19.12 اور گندم14.63 فیصد مہنگی ہوئی، دودھ 14.46، گڑ 14.13اور چینی 13.28فیصد مہنگی ہوئی۔

رپورٹ کے مطابق  ایک ماہ میں ٹماٹر 49.74، سبزیاں 25.73، آلو 19.76فیصد سستے ہوئے،  چکن18.34، پیاز 17.8، چینی 9.22اور انڈے 3فیصد سستے ہوئے، ٹماٹر 28.90، پیاز27.73 اور دال مونگ 24.59 فیصد سستے ہوئے،جبکہ  آلو 23.96، چکن 14.34، انڈے 8.19، مسالحہ جات 2.63فیصد سستے ہوئے۔