شعیب اختر کی والدہ کا انتقال، کھلاڑی کی مداحوں سے اپیل

قومی ٹیم کے سابق فاسٹ بولر شعیب اختر نے چند دن پہلے اپنی ماں کو کھو دیا، جس کے بعد اب انہوں نے تمام چاہنے والوں سے درخواست کرتے ہوئے خصوصی پیغام جاری کیا ہے۔

شعیب اختر نے اپنے سوشل میڈیا اکاؤنٹس پر جاری بیان میں  والدہ کی تعزیت کرنے والوں اور اس مشکل وقت میں ساتھ دینے والوں کا شکریہ ادا کیا اور کہا کہ دنیا بھر سے آنے والے بہن بھائیوں کا شکر گزار ہوں۔

جس کے بعد سابق کرکٹر نے لکھا کہ کورونا کی پھر سے بگڑتی صورت حال کے پیش نظر درخواست کروں گا کہ ہم گھر والوں کو کچھ وقت اکیلے درکار ہے، اس لیے اب بس جہاں ہیں وہاں رہتے ہوئے ان کی والدہ کے لیے دعا کریں۔

یاد رہے ایک ہفتہ قبل سابق فاسٹ بالر شعیب اختر کی والدہ انتقال کر گئی تھیں، جن کی نماز جنازہ اسلام آباد میں ادا کی گئی۔

pic.twitter.com/KgXjkWmumN

— Shoaib Akhtar (@shoaib100mph) January 3, 2022

>