ایم فل اور پی ایچ ڈی میں داخلوں پر پابندی عائد

ہائر ایجوکیشن کمیشن نے ایم فل اور پی ایچ ڈی ڈگریوں کی کوالٹی کو برقرار رکھنے کیلئے اہم فیصلہ کیا ہے۔ کالجوں میں ایم فل اور پی ایچ ڈی میں داخلوں پر پابندی عائد کر دی گئی ہے۔ ایچ ای سی نے الحاق شدہ کالجوں میں ایم فل اور پی ایچ ڈی میں داخلوں پر پابندی عائد کر دی ہے۔ سرکاری اور پرائیویٹ یونیورسٹیوں سے الحاق شدہ کالجوں کو داخلوں سے روک دیا گیا ہے۔ 
ایچ ای سی الحاق شدہ کالجوں اور اداروں کی ایم فل اور پی ایچ ڈی ڈگریوں کی تصدیق نہیں کرے  گی۔ ایچ ای سی نے یونیورسٹیوں سے الحاق شدہ کالجوں میں داخلوں پر سٹوڈنٹس الرٹ جاری کر دیا ہے۔ ایچ ای سی نے واضح کر دیا ہے کہ سرکاری اور پرائیویٹ کالجوں میں ایم فل اور پی ایچ ڈی داخلے غیر قانونی تصور ہوں گے اور طلباء ان کالجوں میں داخلوں سے گریز کریں۔