پنجاب کے نوجوانوں کیلئے ڈیڑھ لاکھ ملازمتیں ، عمر کی حد میں 2 سالہ رعایت دینگے: عثمان بزدار 

تفصیلات کے مطابق محکمہ اطلاعات اور ڈی جی پی آر کے زیر اہتمام سی ایم انٹرن شپ پروگرام کے تحت وزیراعلیٰ پنجاب عثمان بزدار نے میڈیا گریجویٹس میں سرٹیفکیٹس وچیک تقسیم کیے۔ اس موقع پر عثمان بزدار نے کہا کہ نوجوانوں کے لیےایک لاکھ ملازمتوں کو بڑھا کرڈیڑھ لاکھ لے جارہےہیں ، با صلاحیت او رتعلیم یافتہ نوجوانوں کومیرٹ پرملازمتیں دیں گے ۔

وزیراعلیٰ پنجاب کا کہنا تھا کہ ملازمتوں پرعمر کی حد میں 2سال رعایت دی جائے گی ، پی ایم ایس کےامتحان میں عمر میں 2 سال کی رعایت دیں گے۔

وزیراعلیٰ نے کہا کہ 740ارب کاترقیاتی بجٹ دینےکا اعزازصرف موجودہ حکومت کوہے، گراس روٹ لیول پر ترقی لیے360 ارب کا ڈسٹرکٹ ڈویلپمنٹ پیکیج دیا، عوام کی بہتری کے لیےحکومت پوری طرح یکسو او رمتحرک ہے ۔

وزیراعلیٰ پنجاب عثمان بزدار کا کہنا تھا کہ چیف منسٹر انٹرن شپ پروگرام کادائرہ کار مزید بڑھائیں گے ، کمیونیکیشن اور میڈیا سے متعلق جدیدتکنیک سےآگاہی ضروری ہے، پروگرام کامقصد میڈیا گریجویٹس کو جدید تقاضوں سےروشناس کرانا ہے۔

انہوں  نے مزید کہا کہ پنجاب کے نوجوانوں کی خدا داد صلاحیتوں کی پوری دنیا معترف ہے ، ٹریننگ عملی زندگی میں نوجوانوں کے لئے مفید ثابت ہو گی، ان کا کہنا تھا کہ چیف منسٹر انٹرن شپ اپنی نوعیت کا پہلا انٹرن شپ پراجیکٹ ہے، حقائق کومن وعن پیش کرنا میڈیا پرسن کی ذمےداری ہے۔

ینگ میڈیا گریجوایٹس  نے چیف منسٹر انٹرن شپ پروگرام شروع کرنے پر وزیراعلیٰ پنجاب سردار عثمان بزدار کو خراج تحسین پیش کیا ہے ۔