پاکستان حضور صلی اللہ علیہ وسلم  کی تعلیمات پر عمل پیرا ہوکر ہی ترقی کرسکتا ہے : وزیراعظم

وزیراعظم آفس کے میڈیا ونگ سے جاری بیان کے مطابق  وزیراعظم عمران خان  نے معروف مذہبی سکالرمولانا طارق جمیل سے  ملاقات کی ہے ۔ ملاقات میں قومی رحمت اللعالمین اتھارٹی کے مجوزہ کردار سے متعلق اُمور پر تبادلہ خیال کیا گیا ۔

یہ اتھارٹی ہمارے پیارے نبی حضرت محمد صلی اللہ علیہ وسلم کی قائم کردہ ریاست مدینہ کی بنیادی اقدار اور سیرت النبی صلی اللہ علیہ وسلم کی شاندار تعلیمات کی روشنی میں نوجوانوں کی کردار سازی کے لیےقائم کی گئی ہے ۔

ملاقات میں وزیراعظم  عمران خان نے کہا کہ ہم بحیثیت قوم صرف حضور صلی اللہ علیہ وسلم کی تعلیمات پر عمل پیرا ہو کر ہی ترقی کر سکتے ہیں۔

مولانا طارق جمیل نے ریاست مدینہ کے فلاحی ماڈل کو نافذ کرنے کے ساتھ ساتھ تعلیمات نبوی صلی اللہ علیہ وسلم کی روشنی میں نوجوانوں کی کردار سازی پر زور دینےکے لیے وزیر اعظم کی کاوشوں کو سراہا ۔