2021 میں اسرائیل کے ہاتھوں 313 فلسطینی شہید

غیر ملکی خبر رساں ایجنسی کے مطابق انسانی حقوق کی اسرائیلی تنظیم بتسیلم کے مطابق اسرائیل کے ہاتھوں شہید ہونے والوں میں بڑی تعداد بچوں کی ہے جبکہ 313 شہدا کے علاوہ زخمیوں کی تعداد کہیں زیادہ ہے۔

رپورٹ میں کہا گیا کہ 2014 کے بعد فلسطینیوں کے لیے سب سے ہلاکت خیز سال 2021 رہا۔ اسرائیلی سیکیورٹی فورسز کی جانب سے “مہلک، غیر اخلاقی اور کھلے عام فائرنگ کی پالیسی” نے کئی بچوں کے بھی چراغ گل کر دیے۔

گزشتہ سال سب سے زیادہ شہادتیں مئی 2021 میں ہوئیں۔ اسرائیلی فورسز نے 2021 میں مشرقی بیت المقدس اور مقبوضہ مغربی کنارے میں سینکڑوں رہائشی مکانات کو بھی مسمار کیا جس سے 463 بچوں سمیت 895 فلسطینی بے گھر ہو گئے۔

سال 2021 میں فلسطینیوں کے گھروں کی مسماری گزشتہ 5 سال میں سب سے زیادہ رہی۔