پی ڈی ایم کے  انتظار میں رہے تو بہت دیر ہو جائے گی:راجہ پرویز اشرف

تفصیلات کے مطابق سابق وزیر اعظم راجہ پرویز اشرف کا کہنا تھا کہ پیپلزپارٹی نے اپوزیشن جماعتوں کو بھی لانگ مارچ میں شرکت کی دعوت دی ہے۔

راجہ پرویز اشرف کا کہنا تھا کہ پیر نعیم الدین سیالوی نے پیپلز پارٹی پارٹی میں شمولیت اختیار کی ہے اور پارٹی اپنی کامیابی کی طرف بڑھ رہی ہے،بہتر مستقبل کے لیے پیپلزپارٹی کو مضبوط کرنا ہے۔

انہوں نے کہا ہےکہ 27 فروری کو بلاول بھٹو نے لانگ مارچ کرنے کا اعلان کیا ہے۔ ان کا دعویٰ تھا کہ یہ پاکستان کی تاریخ کا سب سے بڑا لانگ مارچ ہو گا۔

ان کا مزید کہنا تھا چیئرمین پیپلزپارٹی بلاول بھٹو میدان میں آ چکے ہیں،اگر پی ڈی ایم کے  انتظار میں رہے تو بہت دیر ہو جائے گی۔