حکومت کو گھر بھیجنے کیلئے کوئی بھی طریقہ آزمانا پڑے تو آزمانا چاہیے:مریم نواز

تفصیلات کے مطابق مریم نواز کا کہنا تھا کہ پہلے انہیں لگتا تھا کہ اس حکومت کو مدت پوری کرنی چاہیے لیکن اب اسے گھر بھجوانے کےلیے کوئی بھی طریقہ اپنانا چاہیے۔

نئے الیکشنز سیاسی جماعتوں کا نہیں عوام کا بیانیہ بن گیا ہے،سیاسی جماعتوں کو بھی اب عوام کے کہنے پر چلنا پڑے گا۔

مریم نواز کا کہناتھا کہ مری میں اموات برفباری سے  نہیں حکومتی بے حسی سے ہوئیں،حکمران بنی گالہ، پی ایم اور سی ایم ہاؤس میں ہیٹر لگا کر سوتے رہے اور عوام مرتے رہے۔

ان کا مزید کہنا تھا کہ موجودہ حکومت کی نالائقی اور نااہلی دنیا بھر کو نظر آرہی ہے،عوام کو پتہ ہے  کہ سچ کیاہےاور جھوٹ کیا ہے۔