پاکستان میں سونا مسلسل تیسرے دن سستا

پاکستان میں گزشتہ تین روز کے دوران سونے کے نرخ 600 روپے کم ہوچکے جبکہ چار روز کے دوران انٹرنیشنل مارکیٹ میں فی اونس سونا 24 ڈالر مہنگا ہوچکا ہے۔

صراف اینڈ جیولرز ایسوسی ایشن کے مطابق جمعرات کو پاکستان میں سونے کے فی تولہ نرخ مزید 100 روپے کمی سے ایک لاکھ 25 ہزار 600 روپے کی سطح پر آگئے جبکہ 10 گرام سونا 85 روپے سستا ہوکر ایک لاکھ 7 ہزار 682 روپے کا ہوگیا۔

پاکستان میں اکتوبر کے آخری ہفتے میں سونا ایک لاکھ 32 ہزار روپے کی ریکارڈ سطح پر پہنچ گیا تھا۔

عالمی مارکیٹ میں سونے کے فی اونس نرخ مزید 4 ڈالر اضافے سے 1822 ڈالر ہوگئے۔

ملک میں چاندی کی فی تولہ قیمت 1450 روپے اور 10 گرام 1243.14 روپے پر برقرار ہے۔ فی اونس چاندی 0.59 ڈالر کمی سے 22.24 ڈالر پر آگئی۔