یوکرین : وزرات خارجہ و دیگر سرکاری اداروں کی ویب سائٹس پر سائبر حملے 

غیر ملکی خبر رساں ادارے کے مطابق   یوکرین میں وزارت خارجہ سمیت متعدد سرکاری اداروں کی ویب سائٹس پرسائبرحملے ہونے کے بعد ویب سائٹس عارضی بند ہوگئیں۔ ماہرین ویب سائٹس کی بحالی کے لئے کام کررہے ہیں۔

ترجمان کے مطابق سائبرحملے کے ذمہ داروں سے متعلق ابھی کچھ کہنا قبل از وقت ہے تاہم  روس یوکرین پر سائبر حملوں کا طویل ریکارڈ رکھتا ہے۔ اس حوالے سے تحقیقات شروع کردی گئی ہیں۔

دوسری جانب یوکرین میں اہم سرکاری اداروں پرسائبرحملے کے بعدیورپی یونین کا ہنگامی اجلاس طلب کرلیا گیا ہے۔ یورپی یونین کے خارجہ پالیسی چیف نے یوکرین میں سائبرحملے کی مذمت کی ہے ، ان کا کہنا تھا کہ  کوئی شواہد تو نہیں ملے لیکن ہم تصورکرسکتے ہیں کہ اس سائبرحملے کے پیچھے کون ہے۔