آئی ایم ایف کی شرائط پر پاورسیکٹر سبسڈیز میں کمی کی تیاریاں ، ذرائع

ذرائع کے مطابق  آئی ایم ایف کی شرائط پر پاورسیکٹر سبسڈیز میں کمی کی تیاریاں ،  پاور سیکٹر میں سبسڈی کیلئے از سر نو تعین کے دوسرے مرحلے کا پلان تیار کرلیا گیا، پاور ڈویژن نے گائیڈ لائنز نیپرا میں جمع کرادیں،  نیپرا کی جانب سے پاور ڈویژن کی درخواست پر 24 جنوری کو سماعت ہوگی ۔

غیر مستحق گھریلو صارفین کی سبسڈی میں بتدریج کمی کی تجویز دیدی گئی، پاور ڈویژن کا سابقہ سلیب کا فائدہ ختم کرنے کی تجویز ہے، نیٹ اور کراس سسبڈی کو کم کرنے کا بھی مشورہ ،  زرعی ٹیوب ویلز کو دوالگ الگ کٹیگریز میں تقسیم کرنے کی تجویز دی گئی ہے۔

بلوچستان کے ٹیوب ویلز کیلئے سسبڈی میں کمی کی تجویز  ہے جبکہ  بلوچستان میں سولر ٹیوب ویلز کیلئے سبسڈی،  دیگر زرعی ٹیوب ویلز کے سسٹم میں جدت لانے کی تجویز دی گئی ہے۔

ذرائع کا کہنا ہے کہ  اقدام کا مقصد پاور سیکٹر میں سبسڈی کا از سو نو تعین کرنا ہے۔