پی سی بی ہیڈ کوارٹرز میں کورونا وائرس کی انٹری

تفصیلات کے مطابق   پاکستان کرکٹ بورڈ نے ہائی پرفارمنس کیمپ ختم کرنے کا فیصلہ کرلیا۔ نیشنل ہائی پرفارمنس سنٹر میں ویمن کرکٹرز کا فٹنس ٹیسٹ بھی ختم کردیا گیا۔تمام کرکٹرز کے کوویڈ 19 ٹیسٹ ، منفی ریزلٹ آنے والوں کو اجازت دی جائے گی۔

جی این این کے مطابق  مثبت ریزلٹ آنے والے کرکٹرز کو آئسولیشن مکمل کرنا ہو گی، لاہور کوویڈ 19 ٹیسٹ منفی آنے پر گھروں کو جانے کی اجازت ہو گی۔ پاکستان کرکٹ ٹیم کے کھلاڑی اب دورہ ساوتھ افریقہ کے لئے لگائے جانے والے کیمپ میں شریک ہوں گے جبکہ   دورہ ساوتھ افریقہ اور زمبابوے کے لئے کھلاڑیوں کے ناموں کا اعلان رواں ہفتے متوقع ہے۔

پی سی بی نے تمام اسٹاف کے کوویڈ 19 ٹیسٹ کرانے کا فیصلہ کیا ہے ،  پی سی بی اسٹاف کے کوویڈ 19 ٹیسٹ 10 مارچ کو ہوں گے۔ منفی ٹیسٹ والے افراد گیارہ مارچ سے دفاتر آئیں گے،  پی سی بی دفاتر تین روز کے لئے بند کئے گئے ہیں۔