گوگل کے سی او ای کیخلاف کاپی رائٹ کی خلاف ورزی پر مقدمہ درج

غیر ملکی خبر رساں ادارے کے مطابق ممبئی پولیس نے بدھ کو روز گوگل کے بھارتی نژاد سی ای او سندر پیچائی کے خلاف ایف آئی آر درج کرلی ہے،مقدمہ  گوگل کے سی ای او سندر پچائی اور کمپنی کے پانچ دیگر ملازمین کے خلاف کاپی رائٹ ایکٹ کی خلاف ورزی پر درج کیا گیا۔

ممبئی  پولیس  کے مطابق  نے  سندر پچائی اور دیگر کے خلاف ایف آئی آر درج کر کے معاملے کی تحقیقات شروع کردی ہیں۔

میڈیا رپورٹس کے مطابق مقدمہ بالی وڈ  فلموں کے ڈائریکٹر سنیل درشن نے درج کرایا ہے۔

سنیل درشن کا کہنا ہے کہ گوگل نے ان کی فلم ’ایک حسینہ تھی ایک دیوانہ تھا‘ کو یوٹیوب پر غیر مجاز افراد کو اپ لوڈ کرنے کی اجازت دی۔جس کے بعد انہوں نے عدالت سے رجوع کیا  تھا۔جس پر عدالت نے  گوگل سے سندر پچائی اور پانچ دیگر کے خلاف ایف آئی آر درج کرنے کا حکم دیا۔ 

فلم ڈائریکٹر سنیل درشن  نے بھارتی میڈیا سے گفتگو کرتے ہوئے کہا کہ  وہ کئی سالوں سے یوٹیوب کے خلاف جنگ لڑ رہے ہیں لیکن  انہیں ابھی تک یوٹیوب کی طرف سے کوئی جواب موصول نہیں ہوا۔  میں فلمیں بناتا ہوں اور وہ میری جائیداد ہیں،کوئی اور انہیں اربوں ویوز کے ساتھ اپ لوڈ کر رہا ہے، یوٹیوب اور دوسرے اس سے کما رہے ہیں۔

خیال رہے کہ بالی وڈ' فلم ایک حسینہ تھی ایک دیوانہ تھا '2017 میں ریلیز کی گئی تھی۔