اوپن اے آئی نے اے آئی ماڈلز کی جانب سے اپنی مانیٹرنگ خود ڈس ایبل کرنیکا انکشاف کیا ہے

ویب ڈیسک: اوپن اے آئی نے ایک بار پھر کمپنی کے آرٹی فیشل انٹیلی جنس (اے آئی) ماڈلز کی جانب سے کیے جانے والے سنگین اقدامات کا انکشاف کیا ہے۔

کمپنی نے ایک بلاگ پوسٹ میں بتایا کہ اس کے 2 طاقتور ترین ماڈلز کے تحت کام کرنے والے اے آئی ایجنٹس نے معمول کے ٹاسکس کے دوران اپنی سیفٹی مانیٹرنگ کو خود ڈس ایبل کر دیا جبکہ ایک نے تو بعد میں ایسا کرنے سے انکار بھی کیا۔

کمپنی کے مطابق جی پی ٹی سول 6.1 پر کام کرنے والے ایک اے آئی ایجنٹ نے اوپن اے آئی کی ٹیم کے پاس جانے والے آٹومیٹک الرٹس کو ڈس ایبل کیا۔

ایک اور ٹاسک کے دوران جی پی ٹی 6 آسٹرا پر کام کرنے والے اے آئی ایجنٹ نے خود کو ایک ایسے پروگرام میں منتقل کیا جس سے مانیٹرنگ منقطع ہوگئی اور پھر بعد میں جھوٹا دعویٰ کیا کہ اس نے ایسا نہیں کیا تھا۔

یہ دونوں واقعات کمپنی کے اندر کوڈنگ ٹاسکس کے دوران پیش آئے۔

بلاگ پوسٹ میں بتایا گیا کہ دونوں کیسز میں اے آئی ایجنٹس نے خیال کیا کہ مانیٹرنگ کو برقرار رکھنا چاہیے یا نہیں اور پھر اسے ختم کر دیا۔

یہ حالیہ مہینوں کے دوران اے آئی ماڈلز کی جانب سے کیے جانے والے اقدامات میں نیا اضافہ ہے۔