موقع ملا تو پاکستان کا وزیر خارجہ بنوں گا:شاہنواز دھانی

تفصیلات کےمطابق شاہنواز دھانی کا کہنا تھا کہ  ورلڈ کپ میں سب کہتے تھے کہ شاہنواز دھانی ہماری ٹیم کا وزیر خارجہ ہے۔

انہوں نے کہا ہے کہ میں ورلڈکپ میں بھی کافی کرکٹرز سے ملا۔ ایم ایس دھونی اور راشد خان سے بھی ملا ہوں۔

ان کا  کہنا تھا کہ جو بھی ٹیم ہارتی تھی میں ان کے کھلاڑیوں سے جا کر ملتا تھا،اگر موقع ملا تو ضرور پاکستان کا  وزیر خارجہ بنوں گا۔

پی ایس ایل کے آفیشل ٹوئٹر اکاونٹ سے شاہنوازدھانی کا ایک انٹرویو شیئر کیا گیا ہے  جس میں ان کا کہنا ہے کہ   پی ایس ایل ہو  یا پاکستان کی نمائندگی میں اسی مسکراہٹ کے ساتھ کرکٹ کھیلتا ہوں۔

شاہنواز دھانی کا کہنا تھا کہ اپنے علاقے کے بچوں کے لیے اکیڈمی اور گراونڈز کھولنے کا پلان بنایا ہے تاکہ ٹیلنٹڈ بچے آگے آ کر ملک کا نام روشن کرسکیں۔

ان  کا کہنا تھا کہ پی ایس ایل نئے آنے والے کھلاڑیوں کے لیے زبردست پلیٹ فارم ہے جہاں انہیں پرفارم کرنے کا پورا موقع ملتا ہے۔

Foreign Minister?
Winner of Hearts?
How many titles will the ever-smiling @ShahnawazDahani keep?
Like/RT/reply to this tweet to tell Dahani how much joy he brings to the #HBLPSL7 #LevelHai pic.twitter.com/N2dTFvD8cz

— PakistanSuperLeague (@thePSLt20) February 1, 2022

ان کا مزید کہنا تھا کہ کرکٹر کی زندگی میں اونچ نیچ آتی رہتی ہے لیکن میں ہمیشہ اسی مسکراہٹ کے ساتھ کرکٹ کھیلوں گا کیونکہ لوگ مجھے ایسے ہی پسند کرتے ہیں۔