پی ایس ایل 7: آج کوئٹہ گلیڈی ایٹرز اور اسلام آباد یونائیٹڈ کی ٹیمیں مدمقابل ہوں گی

تفصیلات کے مطابق کراچی کے نیشنل اسٹیڈیم میں پاکستان سپر لیگ (پی ایس ایل) سیزن 7 کے میچز جاری ہیں جس کا دسواں میچ آج کوئٹہ گلیڈی ایٹرز اور اسلام آباد یونائیٹڈ کے درمیان کھیلا جائے گا۔

کوئٹہ گلیڈی ایٹرز اور اسلام آباد یونائیٹڈ کے درمیان ہونے والا میچ آج پاکستانی وقت کے مطابق شام 7:30 بجے کھیلا جائے گا جبکہ پوائنٹس ٹیبل پر اسلام آباد یونائیٹڈ کو کوئٹہ گلیڈی ایٹرز پر برتری حاصل ہے۔

اسلام آباد یونائیٹڈ ایونٹ میں اب تک 2 میچز کھیل چکی جس میں سے ایک میں انہیں کامیابی جبکہ ایک میں ناکامی کا سامنا کرنا پڑا ہے جبکہ کوئٹہ گلیڈی ایٹرز 3 میچز کھیل کر صرف ایک میچ میں کامیابی سمیٹ سکی ہے۔