پی سی بی کا 12 سال سے کم عمر بچوں کے اسٹیڈیم میں داخلے کیلئے این سی او سی سے رابطہ

ذرائع کا کہنا ہے کہ چیئرمین پی سی بی رمیزراجہ 12 سال سے کم عمر بچوں کو اجازت دلانے کے لیے خصوصی دلچسپی لے رہے ہیں ، اس سلسلے میں نیشنل کمانڈ اینڈ آپریشن سینٹر (این سی او سی) اور حکومتی اداروں سے بات چیت جاری ہے ۔

ذرائع کاکہنا ہے کہ 12 سال سے کم عمر بچوں کو اجازت نہ ہونے کے باعث فیملیز اسٹیڈیم کم آرہی ہیں ، پی سی بی کا مؤقف ہے کہ 12 سال سے کم عمر بچوں کو اجازت ملنے سے تماشائیوں کی تعداد میں اضافہ ہوگا۔

یاد رہے کہ 10 جنوری کو کیے گئے این سی او سی کے فیصلے کے مطابق صرف 25 فیصد تماشائیوں کو اسٹیڈیم میں داخلے کی اجازت ہے۔

اس فیصلے کی روشنی میں 12 سال سے کم عمر بچوں کو ایچ بی ایل پی ایس ایل 7 کے کراچی میں کھیلے جانے والے پہلے مرحلے کے لیے اسٹیڈیم میں داخلے کی اجازت نہیں ہے۔