شہباز شریف کا بلاول بھٹو کو ٹیلی فون، ظہرانے کی دعوت

تفصیلات کے مطابق  صدرمسلم لیگ ن اور قائد حزب اختلاف میاں شہباز شریف نے  چیئرمین پیپلز پارٹی بلاول بھٹو زرداری کو ٹیلی فون کیا ہے،  دونوں رہنماؤں کے مابین سیاسی صورتحال پر تبادلہ خیال کیا گیا۔

 میاں شہباز شریف نے بلاول بھٹو زرداری کو کل دوپہر ظہرانے کی دعوت پر بلا لیا۔ بلاول بھٹو نے میاں شہباز شریف کی دعوت قبول کرتے ہوئے کل  ظہرانے میں ان کی رہائشگاہ پر شرکت کریں گے۔ مریم نواز حمزہ شہباز بھی پیپلزپارٹی کی قیادت سے ملاقات کریں گے۔

ذرائع کا کہنا ہے کہ  سابق صدر آصف علی زردارئ کل شہباز شریف مریم نواز سے ملاقات کریں گے۔  سابق وزیر اعظم نواز شریف کی ہدایت پر شہباز شریف نے ملاقات کی دعوت دی۔

ذرائع کے مطابق آصف علی زرداری اور شہباز شریف کی ملاقات اہمیت اختیار کر گئی،  آصف زرداری شہباز ملاقات میں مریم نواز کی موجودگی میں اہم فیصلے متوقع ہیں، پی پی پی کے لانگ مارچ اور پی ڈی ائم کے لانگ مارچ کا یکجا کرنے کی تجویز پر غور کیا جائے گا۔ ان ہاوس تبدیلی کے آپشن پر نمبر گیم کا کل کھل کر اظہار کیا جائے گا۔