پی ایس ایل 7 : پشاور زلمی نے کراچی کنگز کو 9 رنز سے شکست دیدی 

تفصیلات کے مطابق کراچی کنگز کے لیے جیت کا سفر ادھورا ہی رہا۔  کراچی کے نیشنل اسٹیڈیم میں کھیلے جانے والے میچ میں پشاور زلمی نے کراچی کنگز کو  9 رنز سے شکست دیدی ہے۔174  رنز کے تعاقب میں کراچی کنگز 6 وکٹوں کے نقصان پر 164 رنز بنا سکی۔

کراچی کنگز کے کپتان  بابراعظم نے 90رنز بنائے،  کک بین 31 ، عامریامین 20 اور محمد نبی 10 رنز بنائے۔

 پشاور زلمی نے پہلے کھیلتے ہوئے  4 وکٹوں کے نقصان پر 173 رنز بنا ئے تھے اور کراچی کنگز کو جیت کے لیے 174 رنز کا ہدف دیا تھا۔

پشاور زلمی کی جانب سے  شعیب ملک نے 52 رنز بنائے ،  حضرت اللہ زازئی 41 رنز بنا کر نمایاں رہے جبکہ  کامران اکمل 21 رنز بنا سکے۔حیدر علی نے 16 رنز بنائے، بین کٹنگ 24 رنز بنا کر پویلین لوٹ گئے۔

کراچی کنگز کی جانب سے  عمید آصف نے تین کھلاڑیوں کو آوٹ کیا جبکہ عامر یامین ایک وکٹ حاصل کرسکے۔

خیال رہے کہ کراچی کنگز نے ٹاس جیت کر پشاور زلمی کو پہلے بیٹنگ کی دعوت دی تھی۔