پی ایس ایل 7: لاہور قلندرز کی اسلام آباد یونائیٹڈ کیخلاف بیٹنگ جاری

تفصیلات کے مطابق  پاکستان سپر لیگ (پی ایس ایل)  کے ساتویں ایڈیشن میں  میں آج  اسلام آباد یونائیٹڈ اور لاہور قلندرز کی ٹیمیں مدمقابل آئیں گی ۔ کراچی کے نیشنل اسٹیڈیم میں   آج میچ پاکستانی وقت کے مطابق دوپہر 2:30 بجے شروع ہوگا۔ اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا ہے ۔ یونائیٹڈ کپتان شاداب خان کا کہنا تھاکہ ہم چاہ رہے ہیں کہ ٹرینڈ کو دوبارہ بدل لیں۔ 

لاہور قلندرز  کی جانب سے انگلینڈ کے فل سالٹ اور ہیری بروکس کو ٹیم میں شامل کیاگیا ہے ۔ 

خیال رہے کہ ایونٹ میں اب تک کھیلے گئے میچز میں ملتان سلطانز 4 میچز جیتنے کے بعد 8 پوائنٹس کے ساتھ سرفہرست ہے، اسلام آباد یونائیٹڈ، لاہور قلندرز اور پشاور زلمی نے دو، دو میچز میں کامیابی حاصل کی ہے۔

 کوئٹہ گلیڈی ایٹرز نے اب تک ایک میچ جیتا ہے جبکہ کراچی کنگز کو رواں سیزن میں تاحال کوئی کامیابی حاصل نہیں ہوسکی ۔

گزشتہ روز کھیلے گئے میچ میں پشاور زلمی نے کراچی کنگز کو 9 رنز سے شکست دی تھی۔