جنوبی کوریا میں صرف ناک ڈھانپنے والا ماسک متعارف

غیر ملکی خبررساں ادارے کے مطابق   اس ماسک کو  ' کوسک' کا نام دیا گیا ہے ،  کوریائی زبان میں 'کو'  کا مطلب ناک ہے  ماسک کے آخری دو حرف ملاکر اسے ’کوسک‘ کا نام دیا گیا ہے۔

 کوسک ( ماسک) کو بنانے اور پہننے والوں کا خیال ہے کہ یہ ماسک نہ صرف  کھانے اور پینے  میں  سہولت دیتا ہے بلکہ  ناک سے وائرس کے داخلے کو بھی روکتا ہے ۔ یہ دو ٹکڑوں پر مشتمل ہوتا ہے ، ایک حصےمیں سے منہ  کو بے نقاب کرنے کیلئے ہٹایا جاسکتا ہے۔

کوسک کو ایٹمین نامی کمپنی نے  تیار کیا ہے ، اس ماسک کی آن لائن قیمت  9800 وان   ہے اور  10 ماسک ایک باکس میں دستیاب ہوتا ہے ۔  کوسک‘ کی کم سے کم قیمت 8 ڈالر کے برابر ہے۔

 طبی ماہرین نے اسے  احمقانہ عمل قرار دیا ہے ، تاہم یہ صرف کوریا میں مقبول نہیں  ہوا ہے بلکہ اس کی شہرت میکسیکو تک جا پہنچی ہے ۔ ’کوسک‘ کی تصاویر سوشل میڈیا پر وائرل ہورہی ہیں جہاں صارفین کی جانب سے دلچسپ تبصروں کا سلسلہ جاری ہے تاہم متعدد صارفین نے کمپنی کا مذاق بھی  اڑایا۔