شادی پر دلہن کا میک اپ ادھورا چھوڑنا  بیوٹی پارلر کو مہنگا پڑ گیا

تفصیلات کے مطابق  صارف عدالت  نے دلہن  کا میک اپ ادھورا چھوڑنے والے پارلر کے خلاف ڈگری جاری کردی،

عدالت نے بیوٹی پارلر  کو 50 ہزار  ہرجانہ دینے کا حکم دے دیا۔ صارف عدالت کے جج وسیم افضل میاں نے ڈاکٹر شازیہ کے دعوے پر سماعت کی۔

درخواست گزار کاموقف تھا کہ  نکاح کے لیے سیلون سے میک اپ کروایا، سیلون کی مالکن نے طے شدہ رقم سے زائد رقم مانگی، سیلون نے دلہن کا میک اپ ادھورا چھوڑ کر سیلون سے باہر نکال دیا۔ درخواست میں استدعا کی گئی کہ  عدالت ایک لاکھ 10 ہزار روپے جرمانہ ادا کرنے کا حکم دے ۔

خیال رہے کہ  چند روز قبل لڑکی نے لمبے بالوں کی خواہش میں ایکسٹینشن لگوائی اور اپنے بال بھی گنوا دیے تھے، جس کے بعد متاثرہ لڑکی نے بال خراب ہونے پر بیوٹی سیلون کے خلاف ایک کروڑ ہر جانے کا دعویٰ دائر کردیا تھا۔